Ëndrra po bëhet realitet!
Prej shumë kohësh, ka qenë dëshirë e çdo qytetari dhe shoqate nga trevat shqiptare që të ketë një qendër kulturore ku traditat dhe gjuha jonë e bukur të ruhen dhe të trashëgohen me krenari. Sot, kjo dëshirë bëhet realitet!
Shoqata Ana Malit nga Ulqini, Mali i Zi, ka arritur të ndërtojë një Qendër Kulturore Shqiptare në Staten Island, New York —qendra e parë e këtij lloji në shtetin e New York-ut!
Me shumë kënaqësi ju njoftojmë se më 27 Prill do të zhvillohet ceremonia e inaugurimit, ku ftojmë çdo shqiptar dhe çdo shoqatë shqiptare në rrethinën e New York-ut dhe New Jersey-it të marrin pjesë në këtë ditë historike!
Kjo qendër do të jetë një shtëpi e hapur për çdo shqiptar, një vend për aktivitete kulturore, gjuhësore dhe tradicionale, ku secili do të mund të gjejë mbështetje dhe frymëzim. Ky sukses i jashtëzakonshëm është arritur pa ndihmën e asnjë institucioni shtetëror, por vetëm falë përkushtimit dhe sakrificës së komunitetit tonë, me mbështetjen e anamalasve dhe bashkatdhetarëve tanë të devotshëm.
Në këtë event madhështor do të marrin pjesë figura të njohura publike nga vendlindja dhe komuniteti ynë në SHBA. Nuk do të mungojnë as pikat muzikore dhe atmosfera festive që do ta bëjnë këtë ditë të paharrueshme për të gjithë të pranishmit!
Data: E Diel, 27 Prill 2025
Ora: 11:00 AM – 4:00 PM
Adresa: 489 Midland Ave, Staten Island, NY 10306
Ejani të festojmë këtë arritje historike së bashku dhe të krijojmë një trashëgimi të fortë për brezat e ardhshëm!
Për më shumë informacion, na kontaktoni:
anamalitny@gmail.com
